Ýmislegt | Jón Ólafsson

Tónleikar á Gljúfrasteini

20/06/2014 eftir Jon Olafsson Engin athugasemd

Á sunnudaginn kemur, 22.júní, held ég tónleika í Gljúfrasteini, húsi sem oftar en ekki er kennt við Halldór Laxness. Í stofunni er forláta flygill sem ég fæ til brúks og verður spennandi að prófa gripinn. Til að ramma tónleikana inn ákvað ég að einblína á lög sem ég hef samið við íslensk ljóð frá ýmsum tímum. Meðal höfunda eru Halldór Laxness, Stefán Máni, Jónas Guðlaugsson, Ólafur Haukur Símonarson og Hallgrímur Helgason. Tónleikarnir hefjast kl.16.00 og miðaverð er 1500 kr.-

Ýmislegt

Nýdönsk til Berlínar

06/03/2014 eftir Jón Ólafsson Engin athugasemd

Hljómsveitin Nýdönsk vinnur nú hörðum höndum að nýju efni og er óhætt að segja að það sé stuð á mannskapnum. Við höldum til Berlínar upp úr miðjum mars og hefjum þar upptökur á okkar fyrstu plötu í 6 ár.

Ýmislegt

Sveimplata í samvinnu við Futuregrapher

23/01/2014 eftir Jon Olafsson Engin athugasemd

Árið 2012 ákváðum við Árni Grétar (Futuregrapher) að gera saman sveimplötu. Sú vinna er loks hafin og stefnum við á útgáfu efnisins nú í haust 2014.

Ýmislegt

Nýtt efni 2014

22/01/2014 eftir Jon Olafsson Engin athugasemd

Það er útlit fyrir skemmtilegt ár í músíkinni. Hljómsveitin Nýdönsk ætlar að spila ögn meira en árið 2013 og rætt hefur verið um að taka upp nýtt efni. Það væri gaman ef það gengi upp. Sjálfur er ég staðráðinn í að senda eitthvað frá mér á árinu – tel það löngu tímabært. Síðasta sólóplatan mín, Hagamelur, kom út árið 2007 góðir hálsar. Sönglögin hafa safnast upp auk þess sem ég er að fikta í elektróník líka. Sjáum hvað setur!

Ýmislegt

Mest spilaða lag ársins 2013 á Rás 2

30/12/2013 eftir Jon Olafsson Engin athugasemd

Þannig týnist tíminn er mest spilaða lag ársins 2013 á Rás 2. Ég tjáði höfundi lagsins, Bjartmari Guðlaugssyni eftir að hann söng inn prufuupptöku lagsins inn á harða diskinn á Hagamel, að þetta lag væri ekkert annað en sálmur og ég kysi hafa útsetninguna látlausa í meira lagi. Ragnar Bjarnason söng lagið síðan inn án mikilla tilþrifa; meira sem sögumaður og tók vel í að hafa þetta svona í dýpri kantinum. Það var passað upp á að víbratóið væri ekki mikið og nóturnar ekki of langar. Eftir að hann hafði sungið lagið allt yfir datt okkur í hug að prófa þetta sem dúett og Lay Low söng inn sínar línur áreynslulítið að vanda. Það er gaman þegar vel tekst til. Þess má geta að Ragnar Bjarnason verður 80 ára á næsta ári. Þá ættum við að gefa honum blóm eða eitthvað viðlíka. Ekki satt?

Ýmislegt

Haukur Heiðar mætir í B-hliðina 21.des

18/12/2013 eftir Jon Olafsson Engin athugasemd

Haukur Heiðar Hauksson, tónlistarmaður og læknir er alltaf að dikta eitthvað upp eins og við vitum. Hann verður viðmælandi minn í B-hliðinni sem send verður út laugardaginn 21.des kl.17.00 á Rás 1 – útvarpsstöðinni sem allir eru að tala um þessa dagana!

Ýmislegt

1 2 ›